Concertos didácticos no Centro Sociocultural das Fontiñas
Hoxe, 28 de marzo ás 20.30h., comezaron os concertos didácticos no Centro Sociocultural das Fontiñas. Foro cheo de familiares, amigos e amigas animadas a escoitar e apoiar con fervor cando os nervios se apoderan dos alumnos e alumnas de Solfa.
Cristian Leggiero, profesor de Piano, presentou os nove alumnos e alumnas de piano que interpretaron desde estudos sinxelos de F. Burgmüller até obras mais complexas de L.V. Beethoven.
A continuación Carlos Seráns Santos, profesor de bombardino, presentou ao seu alumno que nos interpreta un Lento e largo de Benedetto Marcello.
As frautas, a cargo do profesor David Martínez, fixeron que puidésemos gozar con O cascanoces de Thchaikowsky e co Duetto para dúas frautas de Benoit Berbiguier. Os alumnos e alumnas de clarinete, con Martín Baleirón, despedíronnos até o próximo día 4 de abril. Realmente, unha xornada entrañable na que saímos coa máxima de que, con esforzo e traballo, os resultados poden ser espectaculares.
