Cargando imaxes...
Asociación Solfa > Artículos de: administrador

Archivo por autor

Aberto o prazo de matrícula na Escola de Música de Solfa curso 2022/23

Do día 17 ao 23 de setembro, ábrese o curso da Asociación cultural e musical Solfa, despois do parón da pandemia.

Comezaremos cos ensaios da coral e clases de pandeireta.

Os ensaios e clases comezarán o día 3 de outubro.

Atenderemos no teléfono 676675030 (tardes de 5 a 8 h.)

Correo electrónico: asociacionsolfa@asociacionsolfa.gal

Información matrícula Asociación Solfa 2022/2023

IX Convivio da Cultura Galega na carballeira de Santa Isabel

O SÁBADO, 9 DE XULLO, retomamos o CONVIVIO DA CULTURA GALEGA, desexando encontrarnos de novo na Carballeira de Santa Isabel e facermos unha boa festa ao redor da figura de Manuel María e celebrando a cultura de Galiza.

O programa para este día será o seguinte:
11.30 Acollida de participantes diante da Casa-Museo Manuel María ao son da música de Birloque Gaiteiros.
11.45 Saída a pé para a carballeira de Santa Isabel con parada no cemiterio de Outeiro para realizarmos unha ofrenda a Manuel María.
12.30 Actuación, en Santa Isabel, da Banda de Música SONS E SOÑOS de Rábade, Begonte, Outeiro e Friol, dirixida por Armando Morales, e acompañada pola voz de UXÍA.
13.45 Xantar de convivio (cada quen ten que traer a súa comida e bebida)
16.45 Foliada na carballeira coa actuación de PARABÉNS, XURXO SOUTO e RICHI CASÁS, TRADIVIVAS AGRA, BIRLOQUE GAITEIROS, AIRINHOS DO FIOUCO E FOLIADEIR@S DO CASTRO. Guía a festa: Xurxo Souto.

Encontro do asociacionismo cultural de base. As directivas das entidades pertencentes a GALIZA CULTURA (e quen quixer…) reuniranse ás 12,15 no auditorio da Casa-Museo Manuel María para articular a súa actuación en común.

Homenaxe a Manuel Lourenzo

A asociación cultural-musical Solfa ten a ben convidarte á homenaxe que Galiza Cultura, en colaboración coa Asociación cultural o Galo e a Asociación cultural e musical Solfa, lle realizarán a Manuel Lourenzo, unha das figuras máis importantes do teatro galego, nas súas facetas de autor, director, actor, produtor, editor, docente, conferenciante, tradutor e dinamizador de iniciativas teatrais.

Manuel Lourenzo foi fundador de diferentes grupos ou compañías de teatro, tales como o Grupo Teatro Circo, A Compañía Teatral Luís Seoane o Club de Teatro Elsinor e cofundador do Grupo de Teatro O Facho e a Escola Dramática Galega. Autor prolífico con máis de 150 obras dramáticas, moitas delas estreadas e publicadas, mais, tamén, participou como intérprete en numerosos audiovisuais, series de televisión e filmes.

Manuel Lourenzo ten recibido numerosos galardóns pola súa inmensa labor como escritor e director teatral. Nesta homenaxe presentarase a súa obra completa, recopilada en sete tomos, e recentemente publicada pola Federación Galiza Cultura.

Data e hora: Martes, 14 de xuño de 2022, ás 19:30h

Lugar:  Salón-Teatro (sede do Centro Dramático Galego). Rúa Nova nº 34. Santiago de Compostela.

Intervirán na homenaxe:

  • Susana Dans, actriz
  • Xosé Paulo Rodríguez, director do Teatro Rosalía Castro da Coruña.
  • Quico Cadaval, actor
  • A Coral da Asociación cultural e musical Solfa
  • Francisco Núñez, director do Centro Dramático Galego
  • Xosé Manuel Carril, presidente da Federación Galiza Cultura
  • Brandán Lourenzo, gaiteiro

Por cuestións organizativas, precisamos que nos confirmes, antes do día 12 de xuño, a asistencia, chamando ao número de teléfono 676675030 ou no correo electrónico asociacionsolfa@asociacionsolfa.gal

A entrada é gratuíta até completar o aforo.

Terceira edición dos Cantos de taberna

O próximo sábado 7 de marzo ás 20 horas no Centro social Sagrada Familia na rúa Sagrada Familia nº  26 da Coruña, terá lugar a 3ª edición dos Cantos de taberna onde acompañaremos ás Cantareir@s.comTIGO e mais ao Grupo de Música Tradicional A Rexouba.

En colaboración coa Deputación da Coruña, o Coro da Asociación Cultural e Musical Solfa, dirixida por Francisco Tobar interpretará:

  • Carballos de Carballido (Letra: Eduardo Pondal; Música: Alberte López Porta; Arr: Francisco Tobar)
  • Has de cantar (Letra: Roslía de Castro; Música: Antonio B. Celada)
  • O maio (Letra:Manuel Curros Enríquez; Música: L.E.Batallán; Ar: Plácido Travieso)
  • María Soliña (Letra: Celso Emilio Ferreiro; Música: Antonio Paz Valverde, Arr.: Francisco Tobar)
  • Xota de Lira ( Popular galega; Arr.: Francisco Tobar)

Día de Rosalía de Castro 2020. Ambos errantes polo mundo andamos!

O domingo 23 de febreiro, ás 12:00 horas, terá lugar o acto central do Día de Rosalía, con entrada libre, no Panteón de Galegos Ilustres, en Santiago de Compostela.

Ambos errantes polo mundo andamos, dixo a muller. Daquela, as xentes silenciadas, ás que lle roubaran ata as palabras, recuperaron o alento. Fixérono de golpe. Souberon decontado o que eran, o que somos. Transmatria errante nunha humanidade errante. Seres humanos que vagaron e vagan; que pularon e pulan; que morreron e morren na procura do pan e da liberdade. Logo, a muller aquela, desafiando leis masculinas, sentenciou: Toda a terra é dos homes e das mulleres. Toda a terra.

– Saúda do Presidente da AELG, Cesáreo Sánchez Iglesias.

– Lectura do Manifesto da AELG por Daniel Asorey.

– Lectura de poemas rosalianos

Jakson Renner Rodrigues Soares
María Novoa
Concha de la Fuente
Alexandre Espinosa
Imma António Souto
Miguel Pernas
Marilar Aleixandre
Pilar Astray
Miguel Fariña
Mercedes Queixas

Coral da Asociación cultural e musical Solfa que interpretará:

  • O maio
  • Has de cantar
  • Carballos de Carballido
  • Na morte de Castelao

– Ofrenda floral

– Interpretación do himno

Manifesto da AELG por Daniel_Asorey