Cargando imaxes...

Archivo de 2019

Visita guiada á mostra “13 Estampas da Traizón”

Francisco Franco nun debuxo de Luís Seoane do álbum Estampas de la traición

O próximo xoves 10 de outubro ás 18:15h a Asociación Musical Solfa realizará unha visita guiada á mostra “13 Estampas da Traizón” que se exhibe nas salas do Pazo de Fonseca da USC, situado ao remate da rúa do Franco, preto da praza do Obradoiro..
A exposición está organizada pola Fundación Luís Seoane e a Universidade de Santiago e comisariada por Mª Antonia Pérez que será a persoa que nola explique. Céntrase na participación de Luís Seoane na campaña de propaganda de guerra levada a cabo pola II República e orientada cara ao exterior, así como na intervención que nesa campaña tiveron outros artistas galegos exiliados en Arxentina, como Castelao ou Maruja Mallo.

É de interese visitar esta mostra porque veremos os primeiros pasos na plástica dun pintor, Luís Seoane, que desde a década de 1960 ten obra nos mellores museos do mundo, pola considerábel “presencia” nela de Castelao ou porque recupera a nosa terxiversada e silenciada memoria histórica e permite constatar o papel senlleiro que tiveron os artistas galegos na propaganda internacional que realizou a II República.

Prego confirmación ben no correo luciacarreira@mundo-r.com ou no teléfono 676675030. Seguro que vos interesará.

Máis información na web Historia de Galicia

Aberto o prazo de matrícula na Escola de Música de Solfa curso 2019/2020

 

Do día 12 ao 24 de setembro, de 17.00 a 18.00h atenderemos no Centro Sociocultural das Fontiñas a todas as persoas que queiran formar parte da Banda de Música ou Grupo instrumental, Coro de adultos, Pandeireta, Baile tradicional ou recibir clases individuais de instrumentos: clarinete, saxo, frauta, óboe, bombardino, trompeta, trombón, percusión, e solfexo durante o curso 2019/2020

Teléfono móbil de información: 676675030 (de luns a venres de 17 a 20 h.)

Informacion da matrícula, horarios, cotas, oferta musical

VI Convivio da Cultura Galega na carballeira de Santa Isabel

Unha nova edición do Convivio da Cultura Galega terá lugar o sábado 13 de xullo durante todo o día en Outeiro de Rei da Terra Chá nunha fermosa paraxe, querida e presente na vida e obra de Manuel María, como é o Campo de Santa Isabel.

A Santa Isabel, miña amiga, irei.
A Santa Isabel de Outeiro de Rei.
Esta meu camiño
xunto ao río Miño.

O Convivio é un espazo de encontro, de amizade e de intercambio absolutamente aberto á participación de todo o asociacionismo de base que hoxe hai na Galiza.

Compartiremos dun día lúdico, de encontro, de foliada e xantar demorado…, ao redor da figura de Manuel María, para festexarmos a cultura do noso país e o traballo de base que levan a cabo as distintas asociacións culturais.

Non o perdades.

Concerto final de curso 18/19 do alumnado, pandereteiras e coro de Solfa


O próximo mércores 19 de xuño ás 19:30 h. teremos o concerto de fin de curso 2018/19.

Iniciaremos o concerto coas interpretacións do alumnado de Solfa cos distintos instrumentos de óboe, saxo, clarinete, frauta e percusión. De seguido, escoitaremos aos dous grupos de cámara.

Intervirán finalmente os dous grupos de pandereteiras e poremos o punto final do concerto coa interpretación do coro de Solfa.

Agradecemos a tódolos/as socias,socios e profesorado a súa fidelidade e colaboración e queremos desexar un feliz verao.

Vémonos no inicio do próximo curso.

Programa do concerto

  Rigoleto: Coro do Acto I  Xota de Lira
 Muiñeira de Sabaxáns
 Gotinha deágua

Roteiro Fiz Vergara Vilariño 2019

A asociación Ergueitas de Sarria celebra o 15 de xuño o Roteiro pola Lóuzara Xabreira de Fiz Vergara Vilariño. Na xornada de lembranza do Fiz mesturaranse poesía, música, arte, natureza, etnografía, gastronomía e festa. 

A Asociación cultural e musical Solfa participará neste evento onde percorreremos as paisaxes do poeta que nos guía: Fiz Vergara Vilariño, un roteiro que funde a escultura de trece artistas da provincia cos versos de Fiz e que foi creado pola Agrupación Cultural Ergueitos, deica a súa casa, o seu muíño albeiro, a súa Fonte da Cova (xigantesca vaxina de pena caliza) no val xabreiro; con trece paradas para gozar da arte da poesía e da paisaxe.