Cargando imaxes...
Asociación Solfa

Ferrados de Letras 2019

 

Este vindeiro xoves, 30 de maio ás 20:30 h. organizado pola Asociación veciñal Agra do Orzán da Coruña, vaise celebrar o Festival anual das nosas letras no Centro Ágora (Lugar de Agramela 17, A Coruña). Entrada de balde.

A Asociación cultural e musical Solfa participará no mesmo xunto a colectivos de  baile, canto e recitado da Asociación veciñal, cultural, deportiva e recreativa do barrio da Agra do Orzan.

 

Galería NextGEN

Editar
Borrar
 María Soliña  Verdes são os campos. O maio
 Cantiga do meu muíño.Gotinha de agua
 Na beira do mar. Xota de lira

 Fisterra . Acordai  No es aíxó

Manifestación o 17 de maio: Máis que nunca queremos liberdade, igualdade e xustiza para o galego

 

A Asociación Solfa, que forma parte da plataforma Queremos Galego, fai un chamamento a tod@s os soci@s de Solfa para que o día 17 de maio participen na manifestación de Queremos Galego baixo o lema Máis que nunca queremos liberdade, igualdade e xustiza para o galego.
 

Santiago de Compostela acollerá a manifestación que sairá da Alameda ás 12h.

  • Máis que nunca queremos galego porque a situación do galego é crítica mais a situación pode mellorar se se comezar por recoñecer o dereito a ser lingua visíbel, audíbel, e practicábel sempre, a respirar libremente en todos os espazos.
  • Máis que nunca queremos galego porque o 22,7% das persoas de 4 a 15 anos non saben falar galego.
  • Máis que nunca queremos galego porque existen límites de todo tipo, tamén legais, para empregalo con normalidade.
  • Máis que nunca queremos galego porque o goberno galego non só non exerce o seu deber estatutario de defender a lingua, senón que actúa en contra, en ámbitos decisivos como a educación, a sanidade, a xustiza ou os medios de comunicación.
  • Máis que nunca queremos galego porque hai unha nova ofensiva xudicial e política contra o galego como a recente sentenza do Tribunal Supremo contra a ordenanza de normalización lingüística do Concello de Lugo.

Manifesto Máis que nunca queremos liberdade, igualdade e xustiza para o galego

Máis información en Queremos galego

Concerto do alumnado de Solfa o 8 de maio

 

A Asociación cultural e musical Solfa ten o pracer de convidarvos ao Concerto dos alumn@s de Solfa, que se celebrará no Centro sociocultural das Fontiñas, o día 8 de maio, ás 18.30h.

Comezará cun repertorio individualizado, para pechar o concerto coa participación das dúas agrupacións instrumentais a cargo do mestre de clarinete Pablo Veiga.

Programa do concerto

Día de Rosalía de Castro 2019. Do XIX ao XXI: Libre o meu pensamento!

O domingo 24 de febreiro, ás 12:00 horas, terá lugar o acto central do Día de Rosalía, con entrada libre, no Panteón de Galegos Ilustres, en Santiago de Compostela.

Lectura do Manifesto da AELG por Ana Romaní.

– Lectura de poemas rosalianos por Amelia García Hervella, Carlos Jiménez, Luz Méndez, Marga Pazos, Ana Pérez, Belén Regueira, Eva Sandino, Pilar Leiva, Aldara Lueiro Oliveira, Mencia Iglesias Otero, Xerardo Rodríguez, Paco Susavila e Lucía Veciño.

Coral da Asociación cultural e musical Solfa que interpretará:
A Rosalía Letra: Manuel Curros Enríquez Música: J. Alfredo Oliveira.

Cantiga do meu muíño Letra: Fiz Vergara Vilariño Música: Baldomero Iglesias, arranxos F. Tobar.

Has de cantar Letra: Rosalía de Castro Música: Antonio B. Celada Alonso.

Na beira do mar Letra: Rosalía de Castro Música: Antonio B. Celada Alonso

Manifesto da Asociación de Escritoras e Escritores en Lingua Galega no Día de Rosalía de Castro 2019

Visita guiada á exposición Alba de Gloria en San Domingos de Bonaval

A Asociación cultural e musical Solfa e a AC. O Galo convidámoste este próximo venres, 22 de febreiro de 2019, ás 17.30h. á visita guiada á Alba de Gloria. Esta exposición reconstrúe na realidade virtual unha aproximación “única e emocional” en palabras do comisario Manuel Gago o discurso que Castelao dirixiu aos emigrantes en Bos Aires o 25 de xullo de 1948.

Neste último discurso público, Castelao recolle a historia de Galiza, representada por unha Santa Compaña de inmortais que loitaron pola nosa identidade.

As explicación sobre esta exposición, que se clausura a primeiros de marzo, correrá a cargo de Mª Antonia Pérez, presidenta do Galo. Como agasallo entrégase a cada asistent@ un libriño co texto Alba de Gloria.

Máis información sobre a exposición

Pregamos comunicar por correo electrónico: luciacarreira@mundo-r.com ou no teléfono 676675030.