Cargando imaxes...
Asociación Solfa

Asemblea xeral dos socios e socias de Solfa

Convocatoria dos socios/as da Asociación Cultural e Musical Solfa para o día 22 de marzo, xoves, ás 16.30h. en primeira convocatoria e ás 17.00h. en segunda convocatoria no Centro Sociocultural das Fontiñas

Orde do día

1. Aprobación da acta anterior, se procede
2. Dar conta das actividades realizadas no ano 2017
3. Aprobación se procede do balance de ingresos e gastos do exercicio do 2017
4. Memoria de actividades para realizar no ano 2018
5. Orzamento para o exercicio 2018
6. Rogos e preguntas
7. Varios.

24 de febreiro Día de Rosalía de Castro. #abrideAfiestra

A Asociación de Escritoras e Escritores en Lingua Galega (AELG) conmemora un ano máis o 24 de febreiro como “Día de Rosalía de Castro”. Esta entidade realiza un labor incesante para dar  visibilidade e relevancia á súa obra e incide nos centros educativos para que Rosalía chegue a ser apreciada por todo o alumnado como escritora de referencia.

Desde 2010 a AELG propón á cidadanía que o día 24 de febreiro obsequie unha flor e un libro en galego. A homenaxe que se lle renderá no Panteón de Galegos Ilustres o 181 aniversario do seu nacemento quere lembrar a escritora insubmisa ante as inxustizas, a transgresora dos roles predefinidos e das fronteiras que coutan as nosas arelas; a voz poderosa e doce, enérxica e delicada que desenmascara a dobre moral, a falsidade, a explotación, a insolidariedade. Como recolle María Raimondez no manifesto deste ano: “Nun mundo de fiestras pechadas, buscamos o refacho de vento que as abra de vez. Nun mundo que busca facer as comunidades e as persoas máis pequenas, os cartos e a cobiza máis grandes, precisamos forza e profundidade, emoción e pensamento. Ante as fiestras pechadas contra a vida, contra as voces das mulleres, das desprazadas e das nosas outras cómprenos unha palabra firme e abranguente que nos guíe…” coñecer a obra de Rosalía é un primeiro chanzo para que a fiestra non se peche nunca máis.

A coral de Solfa, poñeralle voz a catro poemas:

  • Has de cantar (Poema de Rosalía de Castro; música de Antonio B. Celada)
  • Negra Sombra (Poema de Rosalía de Castro; música de Xoán Montes)
  • María Soliña (Poema de Celso Emilio Ferreiro; Música de Antonio Paz Valverde, Arr.: Francisco Tobar Cereijo)
  • Na morte de Castelao (Poema de Ramón Cabanillas; música de Francisco Tobar Cereijo.

Máis información e texto do manifesto: www.aelg.org

Visita aos tellados da Catedral e Pazo de Xelmírez

 

A Asociación cultural e musical Solfa está organizando unha visita guiada  aos tellados  da catedral . A visita inclúe dous percorridos: o do Pazo Arcebispal de Xelmírez e o ascenso aos tellados. Sempre que reunamos máis  de 15 persoas o prezo  será de 10 euros.  
Tede en conta que está  previsto que  proximamente as visitas queden suspendidas por  obras.

Día : 22  de febreiro 2018
Lugar :  Hora: 16.50 horas
Entrada ao  pazo de Xelmírez ( Praza do Obradoiro)
Prezo : 10 euros
Prazo para anotarse: Por rigorosa orde de apuntamento e ate que as 25 prazas estean cubertas.
Confirmar no correo electrónico luciacarreira@mundo-r.com ou no teléfono 676675030

 

Conferencia sobre Eduardo Pondal. 19 de xaneiro

A Asociación cultural e musical Solfa, Agrupación cultural o Galo teñen o pracer de convidarte a conferencia sobre Eduardo Pondal, co motivo do centenario da súa morte. Disertará, o profesor Carlos Callón Torres, sobre este grande poeta do Rexurdimento galego, comprometido na defensa da nosa nación e da nosa lingua e autor da letra do noso Himno. O museo das Peregrinacións, sito na Praza das Praterias, nº 2 en Compostela será o lugar que acollerá este evento que comezará ás 19.30h.. Pecharase o acto coa actuación da coral de Solfa.

Programa

  • Hás de Cantar           Letra de Rosalía de Castro
  • Negra sombra           Letra de Rosalía de Castro 
  • Cantiga                        Letra de Curros Enríquez
  • A Rosalía                     Letra de Curros Enríquez
  • No escuro                   Letra de Ramón Cabanillas
  • Na morte de Castelo  Letra de Ramón Cabanillas
  • Himno Galego             Letra de Eduardo Pondal

Concertos de Nadal 2017

Un ano máis a Coral de Solfa visitará os nosos maiores. Sempre encontramos, nos nosos concertos, residentes que coñecen o noso rico e variado repertorio popular e permítenos rematar cantando tod@s xuntos ou gozar duns momentos agradábeis. O día 13 de decembro ás 17.00h. cantaremos no centro Servisenior (Os Tilos). O día 18, á mesma hora,  estaremos na residencia Volta do Castro.

 O día 15 de decembro, venres, ás 18.00h. no centro sociocultural do Romaño concerto da coral Solfa. Levaremos no noso repertorio a Xota de Lira, Alecrín, Costureiriña… e para rematar a Canção de Natal e a Panxoliña encantada.

 O día 22, venres, no Centro sociocultural das Fontiñas ás 19.30h. concerto dos alumnos/as de Solfa, banda, pandereteiras e coral. Pecharemos este ano desexando que o 2018 na Galiza non perdamos máis dereitos adquiridos e consigamos esa prosperidade, igualdade e xustiza social que non posuímos.