Semana cultural en Solfa: Xoves, 28 de xuño de 19.00 a 21.00h.
Concerto ás 19.00h.
Desde Antón Etxeita ao piano, pasando polos saxofonistas e rematando cos clarinetistas iniciamos a recta final da semana cultural.
Conferencia as 19.30 h.
As estridencias da crise económica. Notas para unha sinfonía alternativa.
Xavier Vence mostraranos que outra alternativa é posible. Xavier é licenciado en Ciencias Económicas e Catedrático de Economía Aplicada na Universidade de Santiago de Compostela.
Foi Director do Idega entre 1991-95. Profesor invitado en diferentes universidades estranxeiras, ten formado parte de diversos comités de expertos de organismos internacionais.
É coordinador do grupo de investigación ICEDE (Innovación, Cambio Estrutural e Desenvolvemento) da Universidade de Santiago e da Área de Economía do Seminario de Estudos Galegos.
Ten unha extensa obra publicada na que podemos destacar:
- Capitalismo e desemprego en Galiza, 1986;
- Innovación e cambio tecnolóxico na industria, 1992;
- O fracaso neoliberal na Galiza, 2005;
- Salarios e custo da vida, 2005;
- Demanda de solo produtivo en Galiza, 2007;
- A situación actual do sistema galego de innovación, 2007;
- Crise e radicalización neoliberal. As alternativas silenciadas, 2011.
Ten multitude de informes, estudos, reflexións e artigos publicados… Colaborador habitual da revista Tempos Novos e noutros medios como a Radio Galega ou Sermos Galiza.
