Tras o éxito acadado no pasado mes de novembro, cando máis de cen persoas quedaron sen poder acceder ao Teatro Principal, a montaxe regresa á escena o vindeiro 28 de xaneiro de 2026, ás 20.00 h, no mesmo espazo.

A dirección corre a cargo de Lucho Penabade e o elenco está integrado por actores e actrices da Asociación Cultural e Musical Solfa e da Agrupación Cultural O Galo.

Desde 2023, Galiza Cultura promove a celebración do Samaín popularizando a obra de Castelao, Un ollo de vidro. Memorias dun esquelete (Ed. Céltiga, 1922). O esqueleto protagonista relátanos as súas memorias, que recollen as peripecias dunha existencia máis alá da morte, sobre o mundo dos vivos.

O vindeiro 3 de novembro, ás 20:00 h, o Teatro Principal será o escenario onde esta historia cobre vida. A montaxe conta coa participación de membros da Coral de Solfa de Santiago e da Agrupación Cultural O Galo, baixo a adaptación e dirección de Lucho Penabade.

A través da mirada dese esqueleto, “soterrado nun cemiterio de cidade pero moi atento ao que acontece fóra”, o público poderá rir, reflexionar e recoñecerse nas situacións que Castelao retrata: as loitas labregas, o drama da emigración, o caciquismo ou a defensa do idioma galego… Temas que, máis dun século despois, continúan plenamente vixentes.

Como sinala Manuel Rei Romeu, en Desta terra e deste tempo, “Castelao anímanos a desentrañar as chaves e leitmotivs dun universo simbólico que conduce a unha toma de conciencia e a unhas conclusións sobre o mundo dos vivos.”

Esta representación ofrece ao público a oportunidade de achegarse á obra e ao pensamento de Castelao desde unha perspectiva viva e simbólica, perfecta para celebrar o Samaín cunha reflexión cultural e histórica.

Agrademos ao Concello de Santiago todo o seu apoio e a súa disposición para que esta obra se represente en Compostela.

A Asociación Cultural Musical Solfa preséntavos a nova proposta de actividades para o curso 2025-2026

Oferta musical:

• • • • • Coro
        • Pandeireta
        • Baile tradicional

Horarios:

Coral de adultos

Ensaios: Luns e mércores, de 20:00 a 21:30 h.

Pandeireta (tres grupos):

• Iniciación: luns, de 17:00 a 18:00 h.
• Perfeccionamento I: luns, de 18:00 a 19:00 h.
• Perfeccionamento II: luns, de 19:00 a 20:00 h.

Baile tradicional

• Iniciación: mércores, de 18:00 a 19:00 h.
• Perfeccionamento: mércores, de 19:00 a 20:00 h.

Prezos:

• Socios/as: 3 €/mes
• Cada disciplina: 12 €
• As cotas deberán estar domiciliadas

Lugar:

As actividades desenvolveranse no Centro Sociocultural das Fontiñas.

Prazo de matrícula:

Do 15 ao 19 de setembro de 2025.

Teléfono: 676 675 030 (atenderase en horario de 16:00 a 20:00 h.)
Correo electrónico: asociacionsolfa@asociacionsolfa.gal

As persoas xa matriculadas en anos anteriores só teñen que confirmar que continúan.

Domiciliación bancaria

Formulario alta en Solfa

Información da matrícula

Cartaz oferta musical 2025/26

O sábado 12 de xullo celebrarase a XIIª edición do Convivio da Cultura Galega, cunha xornada dedicada á figura de Manuel María. O encontro comezará ás 11:15 h na horta da Casa-Museo Manuel María, coa música da coral Solfa. A continuación, realizarase unha homenaxe no cemiterio a Manuel María e Saleta.

Ás 12:30 h, en Santa Isabel, terá lugar a actuación da Banda Sons e Soños, acompañada por Branca Villares, quen interpretará pezas baseadas na obra do poeta.

O xantar en convivio será compartido (cada quen leva a súa comida; a organización proporciona mesas e cadeiras). Para reservar sitio, cómpre avisar antes das 14 h do mércores 9 de xullo por WhatsApp (698 177 621) ou correo (contacto@casamuseomanuelmaria.gal).

A tarde continuará ás 16:30 h cunha foliada conducida por Xurxo Souto, na que participarán grupos como Mestura de Nete, Foliadeir@s do Castro, Música na Eira, Tradivivas Agra, Reviravolta e Parabéns.

Agardámosvos o sábado 12 de xullo en Outeiro!

1234141516►

Castelao Sempre en Galiza

Homenaxe a Castelao, venres, 27 de xuño, ás 20h. no Panteón de Galegos ilustres.

Convite

12345►