Convócase aos socios/as da Asociación Cultural e Musical Solfa para o próximo día 26 de febreiro, xoves, ás 17.00 h en primeira convocatoria e ás 17.30 h en segunda convocatoria, no Centro Sociocultural das Fontiñas, no Espazo Xove, primeira planta.

Orde do día

1. Aprobación da acta anterior, se procede
2. Dar conta das actividades realizadas no ano 2025
3. Aprobación, se procede, do balance de ingresos e gastos do exercicio 2025
4. Memoria de actividades para realizar no ano 2026
5. Orzamento para o exercicio 2026
6. Rogos e preguntas
7. Varios

Convocatoria Asemblea xeral de Solfa

Memoria de actividades realizadas no 2025

Tras o éxito acadado no pasado mes de novembro, cando máis de cen persoas quedaron sen poder acceder ao Teatro Principal, a montaxe regresa á escena o vindeiro 28 de xaneiro de 2026, ás 20.00 h, no mesmo espazo.

A dirección corre a cargo de Lucho Penabade e o elenco está integrado por actores e actrices da Asociación Cultural e Musical Solfa e da Agrupación Cultural O Galo.

O Concello de Rianxo, no marco dos actos Castelao 2026, organizados pola Área de Educación e Cultura, acolle a representación da adaptación teatral de Un ollo de vidro (Memorias dun esquelete) de Castelao.

A representación levarase a cabo o día 24 de xaneiro, ás 20:30 h, na Sala Arcos Moldes (Teatro) do Centro Sociocultural-Auditorio de Rianxo, por membros da Asociación Cultural e Musical Solfa e pola Agrupación Cultural O Galo de Compostela, baixo a dirección de Lucho Penabade.

Desde 2023, Galiza Cultura promove a celebración do Samaín popularizando a obra de Castelao, Un ollo de vidro. Memorias dun esquelete (Ed. Céltiga, 1922). O esqueleto protagonista relátanos as súas memorias, que recollen as peripecias dunha existencia máis alá da morte, sobre o mundo dos vivos.

O vindeiro 3 de novembro, ás 20:00 h, o Teatro Principal será o escenario onde esta historia cobre vida. A montaxe conta coa participación de membros da Coral de Solfa de Santiago e da Agrupación Cultural O Galo, baixo a adaptación e dirección de Lucho Penabade.

A través da mirada dese esqueleto, “soterrado nun cemiterio de cidade pero moi atento ao que acontece fóra”, o público poderá rir, reflexionar e recoñecerse nas situacións que Castelao retrata: as loitas labregas, o drama da emigración, o caciquismo ou a defensa do idioma galego… Temas que, máis dun século despois, continúan plenamente vixentes.

Como sinala Manuel Rei Romeu, en Desta terra e deste tempo, “Castelao anímanos a desentrañar as chaves e leitmotivs dun universo simbólico que conduce a unha toma de conciencia e a unhas conclusións sobre o mundo dos vivos.”

Esta representación ofrece ao público a oportunidade de achegarse á obra e ao pensamento de Castelao desde unha perspectiva viva e simbólica, perfecta para celebrar o Samaín cunha reflexión cultural e histórica.

Agrademos ao Concello de Santiago todo o seu apoio e a súa disposición para que esta obra se represente en Compostela.

1234212223►

A Asociación Cultural Musical Solfa preséntavos a nova proposta de actividades para o curso 2025-2026

Oferta musical:

• • • • • Coro
        • Pandeireta
        • Baile tradicional

Horarios:

Coral de adultos

Ensaios: Luns e mércores, de 20:00 a 21:30 h.

Pandeireta (tres grupos):

• Iniciación: luns, de 17:00 a 18:00 h.
• Perfeccionamento I: luns, de 18:00 a 19:00 h.
• Perfeccionamento II: luns, de 19:00 a 20:00 h.

Baile tradicional

• Iniciación: mércores, de 18:00 a 19:00 h.
• Perfeccionamento: mércores, de 19:00 a 20:00 h.

Prezos:

• Socios/as: 3 €/mes
• Cada disciplina: 12 €
• As cotas deberán estar domiciliadas

Lugar:

As actividades desenvolveranse no Centro Sociocultural das Fontiñas.

Prazo de matrícula:

Do 15 ao 19 de setembro de 2025.

Teléfono: 676 675 030 (atenderase en horario de 16:00 a 20:00 h.)
Correo electrónico: asociacionsolfa@asociacionsolfa.gal

As persoas xa matriculadas en anos anteriores só teñen que confirmar que continúan.

Domiciliación bancaria

Formulario alta en Solfa

Información da matrícula

Cartaz oferta musical 2025/26