Cargando imaxes...
Asociación Solfa > Actualidade

Actualidade

Visita ao Panteón Real

O sábado, 25 de novembro de 2023, ás 11:45, VÍA GALEGA, en colaboración coa Agrupación Cultural O Galo e coa Asociación Cultural e Musical Solfa, organiza unha visita guiada ao Panteón Real, situado na catedral de Santiago de Compostela, símbolo da importancia histórica e do poder e vontade do Reino de Galiza, onde están soterrados reis e personalidades do Reino de Galiza. A visita será guiada por Ramón Yzquierdo Peiró, Director Técnico do Museo da Catedral de Santiago. 

Contamos con 30 prazas. Por tanto, todas as persoas interesadas en asistir teñen que inscribirse no correo compostela@viagalega.gal antes deste próximo xoves, día 23. As prazas serán asignadas por orde inscrición e necesitamos que nos facilitedes o nome, dous apelidos e o número do DI.

Aberto o prazo de matrícula na Escola de Música de Solfa curso 23/24

A Asociación Cultural e Musical Solfa preséntavos a nova proposta de actividades para o curso 2023-24

Oferta musical:

  • Coro
  • Pandeireta 
  • Baile tradicional

Horarios:   

Coral: luns e mércores de 20 a 21.30h.

Pandeireta:

  • Iniciación, luns de 17 a 18h.
  • Perfeccionamento, luns de 18 a 19h
  • Perfeccionamento, luns de 19 a 20h.

Baile tradicional:  Iniciación os mércores de 19 a 20h.

Prezos:

Socio/a: 3 euros mes

Cada disciplina son 12 €

Lugar: As actividades desenvolveranse no centro Sociocultural das Fontiñas

Prazo de matícula: Ábrese o prazo de matrícula do 18 ao 26 de setembro de 2023

Teléfono: 676675030 (atenderase no horario de 17 a 20h.)

Correo electrónico: asociacionsolfa@asociacionsolfa.gal   

Domiciliación bancaria

Formulario de alta

 

O 8 de xullo X Convivio da Cultura Galega

O  8 de xullo, sábado, celebramos o CONVIVIO DA CULTURA GALEGA. Este ano será a décima edición.

Xornada de encontro e festa na carballeira de Santa Isabel, en Outeiro de Rei, ao pé do río Miño.

O Convivio terá a seguinte programación:

11.15 Acollida na horta da Casa-Museo Manuel María coa coral Solfa

11.45 Saída a pé para a carballeira de Santa Isabel con parada no cemiterio de Outeiro para realizarnos unha ofrenda a Manuel María e Saleta. 

12.30 Actuación na carballeira da Banda de Música Sons e Soños de Rábade, Begonte, Outeiro e Friol, dirixida por Armando Morales, e acompañada pola voz da fadista galega Iria Estévez e o guitarrista portugués Artur Caldeira. 

13.45 Xantar de convivio (Se nos avisan antes do mércores 5 de xullo, ás 20 horas, podemos reservar sitio nas mesas e cadeiras que imos pór na carballeira para o xantar). 

16.30 Foliada que conducirá Xurxo Souto na carballeira coas actuacións de Birloque Gaiteiros, Vento Mareiro, Zurrumalla, Xurxo Souto&Richi Casás, Os Parabéns, Balura, Tribo, e Tradivivas Agra.

Encontro do asociacionismo cultural de base. As directivas das entidades pertencentes a Galiza Cultura (e quen quixer…) reuniranse ás 12.15 no auditorio da Casa-Museo Manuel María para articular a súa actuación en común

Concerto na Praza das Praterias. Xuño 2023

 

 

 

 

 

 

 

Concerto coa participación do coro Crecente, Coral Solfa e  Aires de Bergantiños  na Praza das Praterías o próximo sábado, 17 de xuño, ás 20h.

Orgullo de Pais. Riqueza. Riqueza cultural e musical enorme. Desde Bergantiños até Compostela, a música tradicional trasládanos ao pasado, móstranos o presente para construír o futuro.

Hoxe, somos nós o elo transmisor dese legado. Temos o deber de agrandalo, creando desde o noso para contribuír, así, ao enriquecemento da nosa cultura. Ninguén o vai facer por nós.

Mil primaveras máis para o noso canto.

Galería de fotos do concerto

Cantos en Compostela

Cantos en Compostela vai levar o canto coral a catro dos barrios tradicionais dentro da programación das festas da Ascensión.
Esta proposta pretende xuntar os barrios nun evento común que facilite o estreitamento de lazos de amizade das formacións participantes co obxectivo común de difundir e promocionar a música coral en Compostela. A cidadanía poderá desfrutar dunha visión panorámica da escena coral compostelá que, de seguro, animará a máis dunha persoa  a participar nas actividades destas formacións que en moitos casos teñen unha forte compoñente de relación e amizade.
Hai en Santiago de Compostela unha longa tradición de formacións corais que desenvolven un labor continuado e meritorio de amor á música e ao canto, moitas delas cun traballo formativo de décadas que dá lugar a unha oferta plural e diversa.
Velaí, polo tanto, un espazo de encontro para poder gozar das propostas musicais que as distintas formacións corais nos van ofrecer

 

Galería de fotos do concerto