Unha contribución cultural moi relevante da  nosa asociación foi a creación da Banda Xuvenil Solfa  integrada por 45 músicos/as  que recibiron leccións no CSC e no CEIP das Fontiñas de instrumentos como bombardino, saxofón, frauta, óboe, clarinete, tuba, trompeta, trompa, trombón, percusión e piano. Preséntase en público no Centro Sociocultural das Fontiñas o día 29 de maio de 2002, con nenos e nenas menores de 10 anos.  Ao longo dos anos realizáronse moitos concertos, intercambios con outras bandas de música, campamentos musicais, concertos didácticos… tendendo  a  que esta Banda Xuvenil se movese entre o divertimento e a formación. Os obxectivos fundamentais foron conseguirmos resultados musicais  satisfactorios e promovermos a solidariedade e a cooperación entre  os membros da agrupación. Esta banda, que interpretou temas galegos e de diversos estilos en concertos por Galiza, foi a base da formación musical de xente moza  e determinou a súa  forte vinculación coa música. Infelizmente, a Banda Xuvenil de Solfa desapareceu en 2019 debido ao coronavirus e aínda non foi posíbel retomala.

Actualmente a actividade da Asociación céntrase na Coral, no grupo de pandeireteiras  e  proxéctase a formación dun grupo de baile tradicional.

A Banda de Solfa na súa participación no VIII Certame Galego de Bandas de Música (novembro de 2014)

A Banda de Solfa na súa participación no VIII Certame Galego de Bandas de Música (novembro de 2014)