Archivo de 2017
Encontro cultural e XI Feira na Eira da Xoana
A Coral Solfa participa o domingo 25 de xuño, en Ramil – A Gola, no encontro cultural e XI Feira na Eira da Xoana dentro dun programa amplo, ameno, divertido para os amantes da natureza, da música tradicional e con ganas de iniciarse ou ampliar coñecementos no noso baile tradicional. Poderás atopar diferentes produtos artesanais e de produción ecolóxica…
Levaremos un autobús que sairá ás 10.45h. do CEIP das Fontiñas e ate completar as prazas podes sumarte.
Para confirmar dispoñibilidade podes chamar ao 676675030.
Programa
11:00 h: Apertura de postos.
11.30 h – 12:15 h : Palestras.
12.30 – 13.30 h: Actuación de corais.
15:00 h : Actuacións musicais de Bico da Balouta e Cantareiras.comTIGO.
17.00 – 18.00 h: Obradoiro de pandeireta e baile tradicional.
18.00 h : Actuación de Fantoches Baj.
19.00 h : Sorteo de lote de produtos.
De Bloque en Bloque
Xornada de festas no barrio das Fontiñas o sábado, 17 de xuño, organizado polo colectivo Barriopía.
Pasarrúas, xantar popular, roteiros, circo e diversas actuacións terán como escenario os nosos xardíns e patios.
A coral de solfa actuará ás 19.00h no bloque 2.1.
Programa:
- Xota de Lira
- Costureiriña
- Fisterra
- O rama
Concerto nas Praterías
Sábado día 10 de xuño ás 19.00h. na Praza das Praterias.
Actúan:
- Coral Ensaio da escola municipal de música da Póvoa de Varzim
- Coral da Asociación Cultural e Musical Solfa
- Banda de música de Solfa de Compostela
As dúas corais cantaremos nun espazo cheo de historia, a escasos metros do Panteón Real da Catedral de Santiago que acolle os restos de Reis de Galiza: Fernando II, Afonso VIII a Raíña Berenguela e outros nobres como Xoana de Castro, Raimundo do Borgoña… que foron algúns dos personaxes insignes do Reino de Galiza, época en que o galego era o idioma da Corte Real e moi valorado en toda a cristiandade. A independencia de Portugal do Reino de Galiza trouxo séculos de separación, a pesar dos cales mantemos un idioma Galego-Portugués que nos une e co que imos deleitar os espectadores.
Con este nexo común do idioma milenario interpretaremos música clásica e tradicional portuguesa e galega.
Concerto en Carral
A Coral Polifónica de Carral convida a Coral de Solfa a participar nun concerto o día 27 de maio, ás 20h. no centro T. Espiñeira.
Carral sempre nos evoca a memoria dos Mártires de Carral que en abril de 1846 morreron por querer que a identidade de Galiza fose recoñecida para poder autogobernarse e acabar co atraso económico a que estaba sometida e liberarse da política centralista exercida pola Corte.
Moitos foron os que pagaron coa súa vida ou o desterro o feito de desexar que Galiza tivesse liberdade para escoller o seu destino.
Con isto na lembranza, nós comezaremos este concerto con: O maio de Curros Enríquez
Concerto nas Praterías
Sábado día 20 de maio ás 19.00h. na Praza das Praterias concerto da coral Lugh (da cidade de Lugo), coral e banda de música de Solfa.
Despois de irmos nós a Lugo no outono convidados polo Conxunto vocal Lugh, recibímolos nós a eles na nosa cidade. Moitas son as cousas que teñen en común estas dúas formacións coralísticas. Destacaremos dúas que serven de guieiros:
- Cantar letras de autores da nosa literatura como Rosalia, Curros, Pondal, Manuel María…
- A posta en valor da música popular galega e portuguesa como fontes de coñecemento das nosas raíces.
O coro lugués deleitaranos cun variado repertorio en que se inclúen cancións da autoría de membros do conxunto vocal Lugh e arranxos do seu director: Fernando G. Jácome.
Interpretará a coral de Solfa dúas pezas dirixidas por Francisco Tobar. A continuación actuará a banda de música de Solfa, dirixida por Adrián Pais. Pecharase o concerto coa interpretación de Lela de A. Daniel Rodríguez Castelao, interpretada pola banda de Solfa e os dous coros.