O 20 de xuño, venres, ás 20.30h. a Asociación Cultural e Musical Solfa celebra no Salón Teatro de Compostela o final de curso cun concerto da Coral e Banda de música de Solfa.

A Coral interpretará un extenso repertorio  que vai desde poemas do século XVI de Luís de Camões até poetas do S. XX como Celso Emilio Ferreiro e  Manuel María, o noso poeta nacional, sempre sen descoidar a presenza da música popular. Con orgullo e responsabilidade á hora de interpretalos e baixo a dirección de Francisco Tobar Cereijo daremos comezo a este concerto.

Seguidamente a Banda de música dirixida por Fernando Rey Mayo interpretará un repertorio de bandas sonoras de películas moi coñecidas. Tentaremos que o público pase un momento moi agradábel.

Programa

Coral de Solfa.  Director: Francisco Tobar Cereijo

• Verdes son os campos de Luís de Camoés. Música de Zeca Afonso
• O Carro de Manuel María. Música de Baldomero Iglesias Dobarrio
• María Soliña de Celso Emilio Ferreiro. Arr.: de Francisco Tobar Cereijo
• Torre de Hércules de Francisco Añón. Arr-: de Francisco Tobar Cereijo
• Monte Viso de Carlos Rodríguez. Arr.: Francisco Tobar Cereijo
• Jingle Popular brasileira.  Arra.: Mº. Marum S. Alexander
• Fisterra Popular. Arr.: Francisco Tobar Cereijo

Banda de música de Solfa. Director: Fernando Rei Maio

• A máscara do Zorro de J. Horner
• Danzando con lobos de  J. Bocook
• Parque Xurásico de J. Williams
• Titanic de J. Horner
• Piratas do Caribe de K. Badelt
• Foise co vento de M. Steiner
• Mar adentro de A. Amenabar