A Asociación Cultural Musical Solfa preséntavos a nova proposta de actividades para o curso 2025-2026

Oferta musical:

• • • • • Coro
        • Pandeireta
        • Baile tradicional

Horarios:

Coral de adultos

Ensaios: Luns e mércores, de 20:00 a 21:30 h.

Pandeireta (tres grupos):

• Iniciación: luns, de 17:00 a 18:00 h.
• Perfeccionamento I: luns, de 18:00 a 19:00 h.
• Perfeccionamento II: luns, de 19:00 a 20:00 h.

Baile tradicional

• Iniciación: mércores, de 18:00 a 19:00 h.
• Perfeccionamento: mércores, de 19:00 a 20:00 h.

Prezos:

• Socios/as: 3 €/mes
• Cada disciplina: 12 €
• As cotas deberán estar domiciliadas

Lugar:

As actividades desenvolveranse no Centro Sociocultural das Fontiñas.

Prazo de matrícula:

Do 15 ao 19 de setembro de 2025.

Teléfono: 676 675 030 (atenderase en horario de 16:00 a 20:00 h.)
Correo electrónico: asociacionsolfa@asociacionsolfa.gal

As persoas xa matriculadas en anos anteriores só teñen que confirmar que continúan.

Domiciliación bancaria

Formulario alta en Solfa

Información da matrícula

Cartaz oferta musical 2025/26

O sábado 12 de xullo celebrarase a XIIª edición do Convivio da Cultura Galega, cunha xornada dedicada á figura de Manuel María. O encontro comezará ás 11:15 h na horta da Casa-Museo Manuel María, coa música da coral Solfa. A continuación, realizarase unha homenaxe no cemiterio a Manuel María e Saleta.

Ás 12:30 h, en Santa Isabel, terá lugar a actuación da Banda Sons e Soños, acompañada por Branca Villares, quen interpretará pezas baseadas na obra do poeta.

O xantar en convivio será compartido (cada quen leva a súa comida; a organización proporciona mesas e cadeiras). Para reservar sitio, cómpre avisar antes das 14 h do mércores 9 de xullo por WhatsApp (698 177 621) ou correo (contacto@casamuseomanuelmaria.gal).

A tarde continuará ás 16:30 h cunha foliada conducida por Xurxo Souto, na que participarán grupos como Mestura de Nete, Foliadeir@s do Castro, Música na Eira, Tradivivas Agra, Reviravolta e Parabéns.

Agardámosvos o sábado 12 de xullo en Outeiro!

1234141516►

Castelao Sempre en Galiza

Homenaxe a Castelao, venres, 27 de xuño, ás 20h. no Panteón de Galegos ilustres.

Convite

12345►

O vindeiro sábado, 21 de xuño, ás 20:00 h, na Praza das Praterías de Compostela, terá lugar o  concerto organizado pola Asociación Cultural e Musical Solfa, no que actuará como coral convidada a Coral Polifónica de Melide.

Traballo, esforzo e emoción non han faltar. Somos cada vez máis as agrupacións que, con maior ou menor implicación, sentimos a necesidade de beber da música tradicional e dos textos dos nosos escritores e escritoras, conscientes de que un pobo que non canta o seu, non ten futuro.

Con este concerto, contribuímos a preservar e transmitir un legado que debemos agrandar e enriquecer, mantendo viva a nosa identidade a través da música.

Este evento conta coa colaboración da Deputación da Coruña.

Programa do Concerto

1234567►

A Asociación Cultural e Musical Solfa celebrará o vindeiro luns, 16 de xuño, o seu concerto de fin de curso coa participación do grupo de baile, o grupo de pandereteiras e mais a coral de Solfa.

O concerto terá lugar no Centro Sociocultural das Fontiñas ás 19:00 horas, e estades todas e todos convidados a asistir.

Este evento conta coa colaboración da Deputación da Coruña.

123456►